İstər universiteti
yenicə bitirmiş olun, istərsədə təcrübəli mütəxəssis iş görüşməsi, hami üçün həyəcan
verici hadisədir. Çünki, ümüdlənərək gedirsən və sonunu bilmirsən. Bəzən hətda
o qədər əmin ola bilərsən ki özündən, 100/100 yararlı olduğun işi də itirə bilərsən.
Ona görə nəyin necə baş verəcəyini dəqiq təyin edə bilməmək sizin anlaşılmaz hərəkətlər
etmənizə gətirib çıxara bilər. Bunlardan xəbərdarıq deyə sizi də xəbərdar etmək
qərarına gəldik.
1. Yaxşı geyinin.Kitabı cildinə görə
mühakimə etməyin deyər hamı. Ancaq hamı kitabı cildinə görə mühakimə edər.
Getdiyiniz yerdə nələrin sizi qarşılayacağını bilmirsiniz. Onun üçün də rəsmi
qaydalara uyğun geyinin. Kişilərin üzütüklü müsahibəyə qatılmaları ağıllı hərəkət
hesab edilmir. Baxmayaraq ki mən özüm dəfələrnən bu səhvi etmişəm
2. Ağızınızdan pis
iy gəlməməsinə diqqət yetirin.Saqqız çeynəməyin.Oturduğunuz
masadan, yaxud üzbə-üz məsafənizdən asılı olaraq ağız iyiniz öz təsirini daima
olaraq göstərir. Əvvəlcədən dişlərinizi və ağız boşluğunuzu təmizləyin.
3. Öz həyatınızdan
sorduqlarında xoş hekayələr danışmağa
çalışın.Cansıxıcı və uzun
hekayələri kimsə bəyənmir. Siz özünüz olsaydınız da, bəyənməzdiniz
4. Mənfi yönümlü hərəkətlərdən
ehtiyyatlı olun.İynəli sözlərdən qaçının.
“Sizin şirkət bizim şirkət” söhbətindən uzaq durun. Özünüzü istiqanlı göstərin.
5. Getdiyiniz vəzifə
haqqında məlumatsız olmayın.Sizi işə götürmək
istədikləri vəzifə barəsində suallar verəcəklər. Əgər heçnə bilməsəniz ” Əşi..
mən elə-belə CV göndərmişdim” manevri etsəniz, təbii ki işdən də əlinizi üzməlisiniz.
6. “Hər şeyi bilən
adam/qadın” rolunu qapının çölündə buraxın.Təbii ki, öz
biliklərinizi sərgiləməlisiniz, ancaq onlarında anlayacağı dildə. Elmi terminləriniz, anlaşılmaz marketinq analizləriniz, sizin
buraya gəlişinizin ilk və sonu ola bilər.
Bir dəfə Azərbaycanın
elektronika sahəsində öndə gedən şirkətlərindən birinə iş görüşməsinə
çağrılmışdım. Getdiyimdə, şöbə müdirəsi və İR departamentinin rəisi məni gözləyirdilər.
Baxmayaraq ki, getdiyim sahəni gözəl bilirdim ancaq bununla kifayətlənməyib
daha ətraflı mövzulardan danışmağa başladım. Bir anlıq gözümü açdım ki,
danışdıqlarımı anlamayarcasına bir-birinə baxırlar. Səhvimi, sonradan heç bir səbəb
göstərilmədən işə çağırılmadığımda anladım.
Bütün getdiyiniz
iş görüşmələri uğurlu olmaya bilər. Bu normaldır. Ancaq birinci dəfədən uyğun
olduğunuz işi əldə etməniz xoşbəxtliyin digər adıdır. Sevdiyiniz
işi almanız diləyi ilə…
Fikiroğrusu
No comments:
Post a Comment